طلاق مغلظہ کے بعد میاں بیوی کا ایک ساتھ رہنا

Views

بسم اللہ الرحمٰن الرحیم

السلام علیکم ورحمۃاللہ وبرکاتہ مفتی صاحب ایک مسئلہ معلوم کرنا ہے تین طلاقیں واقع ہونے کے بعد اگر شوہر بیوی سے لا علمی میں جماع وغیرہ کرتا رہا بعد میں پتہ چلا کہ بیوی تو بہت پہلے مغلظہ ہو چکی تھی تو اب اس کے بیوی کی عدت جس وقت طلاق پڑی تھی اس وقت سے شمار ہوگی یا آخری جماع سے شمار ہو گی۔

                                         براہ مہربانی مدلل جواب عنایت فرمائیں

 المستفتی: عبید الرحمن کبیر نگری

وعلیکم_السلام_ورحمتہ_اللہ

 الجواب_وباللہ_التوفیق

طلاق مغلظہ کے بعد میاں بیوی کا ایک ساتھ رہنا بالکل ناجائز اور حرام ہے، طلاق مغلظہ کے بعد اگر حلال سمجھتے ہوئے ایک ساتھ رہیں ، تو اس صورت میں عدت مکمل ہوچکی، اور مسئلہ کا علم ہونے کے بعد فوراً علیحدگی اختیار کرنا ضروری ہے، اور اگر حرام سمجھتے ہوئے ایک ساتھ رہیں، تو پھر جب آخری صحبت کی ہے، اسوقت سے عدت طلاق تین حیض گذارنا ضروری ہے۔

                         فقط_واللہ_سبحانہ_اعلم

( مستفاد! فتاوی قاسمیہ )