 |
| کیا ایکس سے پیسے کماناممکن ہے |
اگر میں یہ کہوں کہ اس وقت یوٹیوب ، فیس بک یا کسی اور سوشل میڈیا پلیٹ فارم کی نسبت ایکس/ٹویٹر سے پیسہ کمانا
نسبتا بہت آسان ہے تو یہ بے جا نہ ہوگا ۔
خاص کر خواتین کے لیے یہ پلیٹ فارم انتہائی مفید ہے کیونکہ اس پر نہ آپ کو اپنا چہرہ دکھانا پڑے گا اور نہ ہی آواز سنانی پڑے گی بلکہ اپ صرف لکھ کر ہی کما سکتے ہیں ۔
اب ہم بات کریں گے اس کا اکاؤنٹ بنانے سے لے کر مونیٹائزیشن کے تمام مراحل کی ۔۔!!
✨ اکاؤنٹ بنانا
اکاؤنٹ بنانا انتہائی اسان ہے ایپ کو انسٹال کریں اور کرییٹ ود گوگل پر کلک کر کے اپنا اکاؤنٹ بنا لیں ۔
✨ مونیٹائزیشن کے مراحل
مونیٹائزیشن کے لیے مندرجہ ذیل تین چیزوں کا مکمل ہونا ضروری ہے تو آپ مونیٹائزیشن کے لیے اہل ہو جاتے ہیں ۔
1:- پانچ سو فالورز مکمل ہونا ۔
2:- اکاؤنٹ پر بلوٹک (ویریفائی) ہونا ۔
3:- پانچ ملین امپریشنز مکمل ہونا ۔
اب ان تمام مراحل کو تفصیل سے بیان کرتے ہیں کہ ان کو جلد از جلد مکمل کیسے کیا جائے اور یا یہ کرنا ممکن بھی ہے یا نہیں ۔۔۔!!!
✨پانچ سو فالورز
500 فالورز کا ہدف حاصل کرنا کوئی بھی بڑی بات نہیں ہے ٹویٹر پر اب کمیونٹی بہت زیادہ ہو گئی ہے اس لیے اس ٹارگٹ کو حاصل کرنا کوئی مشکل کام نہیں رہا 500 فالورز صرف چار سے پانچ دن میں مکمل ہو سکتے ہیں۔ اس کے لیے آپ لوگوں کو فالو کر کے ان کو بول سکتے ہیں کہ فالو بیک کریں یا کمیونٹیز گروپ کو جوائن کر کے اس میں پوسٹ ڈال سکتے ہیں کہ مجھے فالو کریں فالو بیک مل جائے گا اس طرح ایک دوسرے کی مدد کرنے سے 500 فالورز بہت جلد مکمل ہو جاتے ہیں۔
✨ بلو ٹک حاصل کرنا
جیسا کہ اپ نے فیس بک پر بھی دیکھا ہوگا کہ اکاؤنٹ کے آگے نیلا ویریفائیڈ کا نشان لگا ہوتا ہے جیسا پکچر میں بھی دیکھا جا سکتا ہے ۔اسی طرح ایکس پر بھی اکاؤنٹ کو ویریفائی کروانا ہوتا ہے اور یہ پیڈ ہوتا ہے ، اس کو حاصل کرنے کے لیے تقریبا پاکستانی ماہانہ 2700 روپیہ دینا پڑتا ہے۔
✨ پانچ ملین امپریشنز مکمل کرنا
امپریشنز کا مطلب یہ ہوتا ہے کہ آپ نے ایکس پر جو بھی پوسٹس کی ہوں ، وہ تمام پوسٹوں کی پہنچ پانچ ملین ہو یعنی کہ وہ پانچ ملین لوگوں تک پہنچی ہو ، لوگوں کا آپ کے ساتھ انگیج کرنا کوئی اہمیت نہیں رکھتا بس وہ پوسٹ پانچ ملین لوگوں تک پہنچنی چاہیے۔
یقینا سب سے مشکل کام یہی لگتا ہے لیکن اس کا طریقہ کار یہ ہے کہ آپ وہ اکاؤنٹ جن کے فالورز ملین میں ہیں ان کو فالو کر کے گھنٹی کے نشان کو دبا لیں اور وہ جیسے ہی پوسٹ کریں تو ان کی پوسٹ آتے ہی فورا دو سے تین کمنٹ کر دیے جائیں تو وہ کمنٹ وائرل ہو جاتے ہیں اور بعض دفعہ تو لاکھوں میں امپریشن مل جاتے ہیں ۔
(دوسرا طریقہ یہ بھی ہے کہ امپریشنز خریدے بھی جا سکتے ہیں ، جسکا ریٹ تقریب 2500 چل رہا ہے۔لیکن اگر فری میں پورے ہو رہے ہوں تو اس کی طرف نہیں جانا چاہیے )
✨ مونیٹائزیشن 🌺
اگر اپ نے اوپر بیان کیے گئے تینوں اہداف پورے کر لیے تو پھر اپ مونیٹائزیشن کے لیے اہل ہو جائیں گے ۔
اب مسئلہ یہ ہے کہ پاکستان میں اس کی مونیٹائزیشن آن نہیں ہے اس لیے ہمیں کسی دوسرے ملک کے ذریعے اکاؤنٹ مونیٹائز کرنا پڑتا ہے ۔
اسکا حل ؟؟
اس کے لیے ہمیں Payoneer کا اکاؤنٹ بنانا پڑتا ہے جو کہ پاکستان میں آرام سے بن جاتا ہے۔
آپ کسی بھی یوٹیوب چینل سے ویڈیو دیکھ کر اس کا اکاؤنٹ بنا سکتے ہیں کوئی بھی مشکل کام نہیں ہے یہ اکاؤنٹ بنانے کے بعد آپ پاکستان میں رہتے ہوئے ہی اپنے اکاؤنٹ کو مونیٹائز کروا سکتے ہیں 💯۔
میں نے کوشش کی ہے کہ تمام مراحل کو اچھے سے ایکسپلین کیا جائے لیکن اگر کوئی چیز رہ گئی ہو تو آپ پوچھ سکتے ہیں اور اگر کوئی مجھ سے زیادہ علم رکھتا ہے تو وہ بھی رہنمائی کر سکتا ہے ، بہت شکریہ ❤️
امیر حمزہ کمبوہ
0 تبصرے