مستقبل میں ڈیجیٹل تعلیم بڑے پیمانے پرعلمی صلاحیتوں کاذریعہ بنے گی
✍️مولانابدیع الزماں ندوی قاسمی
چیرمین انڈین کونسل آف فتویٰ اینڈ ریسرچ ٹرسٹ بنگلور، کرناٹک وجامعہ فاطمہ للبنات مظفرپور ، بہار
آج کی دنیا انسانی تاریخ میں نئی ٹیکنالوجی پر مبنی جدّت طرازی کی بے مثال تیزرفتار ترقی سے گزر رہی ہے ، جس سے دینا کے ممالک کے لیے مسابقت کا ایک میدان سامنے آیا ہے ،لہٰذا دنیا بھر کے ممالک نے قومی ڈیجیٹل ترقیاتی حکمت عملیاں وضع کی ہیں، اس کے ساتھ ساتھ دنیا کو بخوبی ادراک ہے کہ تعلیم آج کے ڈیجیٹل دور میں عالمی ڈھانچے کی تعمیرنومیں کلیدی کردار ادا کرے گی۔ اسی وجہ سے ڈیجیٹل دور کی ترقی کے مطابق باصلاحیت افرادکو پروان چڑھانا، تعلیم کے شعبے میں ڈیجیٹل تبدیلی کو فروغ دینا، تمام ممالک میں تعلیم کا نیا مشن بن جائے گا۔
عن قریب ڈیجیٹل تعلیم انسانی معاشرے میں انصاف اوربرابری کوضرور فروغ دے گی اور زیادہ مواقع پیدا کرےگی ۔
اسی طرح تعلیم کی ڈیجیٹلائزیشن تعلیمی وسائل کی منصفانہ تقسیم کو فروغ دے گی، اعلیٰ معیار کے تعلیمی وسائل کی کوریج کو وسعت دے گی، لاکھوں بچوں کو اعلیٰ معیاری تعلیم کے اشتراک کے قابل بنائے گی، اوروہ علم کے ذریعے اپنی تقدیر بدل دیں گے.
تعلیم کی ڈیجیٹلائزیشن حقیقی طور پرذاتی تعلیم کوبااختیار بنائے گی اور ان گنت باصلاحیت نوجوانوں کو اپنے پنکھ پھیلانے کا موقع دے گی۔
امید کی جاتی ہے کہ ہرطالب علم کم عمری میں ہی اپنی خواہش کے مطابق مطلوبہ تعلیمی پروگرام سے استفادہ کر سکے گا، ان کے اساتذہ صرف کیمپس تک محدود نہیں رہیں گے بلکہ دنیا بھر میں "کلاؤڈ" خدمات سرانجام دیں گے۔
یقیناًڈیجیٹل ٹیکنالوجی کے بارے ميں کچھ خدشات بھی ہیں ،اورکچھ تشویش بھی ہے۔
لیکن میرا ذاتی تجزیہ یہ ہے کہ مستقبل کی ڈیجیٹل ٹیکنالوجی ہرایک کوبڑے پیمانے پرعلمی صلاحیتوں سے مالا مال کرتے ہوئے انہیں اپنے تخیل کے ساتھ ایک بہتر حقیقی دنیا کی تعمیر کے قابل بناسکتی ہے۔
0 تبصرے